Fòmasyon Espirityèl & Mistik
ÒD MILOKAN on vwayaj aprantisaj pwofon ki makonnen espirityalite ak syans ezoterik vodou Ayisyen pou devlope konesans sou tèt ou ak linivè yo!
Mennen Koulèv la lekòl se youn, fèl chita se de!
Poukisa Fòmasyon Òd Milokan yo?
Fòmasyon nou yo fèt pou tout moun k ap chèche konprann ak aprann plis Vodou ayisyen an, Yo vize moun ki anvi devlope kapasite enteryè yo, pou reyalize potansyèl espirityèl yo, epi elaji konsyans yo pou antre nan yon pi gwo konesans sou tèt yo ak linivè yo.
Nan chak sesyon, wap jwenn ansèyman espirityèl otantik zansèt nou yo nan yon langaj syans ezoterik ki klè pou konprann, nan lide pou kreye yon eksperyans aprantisaj ki pwofon, estriktire, epi ki aplikab nan lavi chak jou ou. Se yon chemen ki pa sèlman bay konesans, men kap louvri pòt pou yon transfòmasyon enteryè reyèl vodou, kote Sa w pa wè yo, kò w, ak enèji ou ap antre nan yon amoni ki solid epi sakre nan pròp kilti w.
Pwogram Fòmasyon Òd Milokan
Fòmasyon endividyèl pou bati baz konesans sou tèt ou ak vodou a, yon chemen pou inisiyasyon estriktire pou w antre nan kè Milokan ki nan ou, epi yon mistè dimansyon ak Lwa yo pou w konprann pon ki genyen ant dimansyon vizib ak envizib yo. Ideyal pou moun k ap chèche devlopman espirityèl, fòmasyon sou vodou ayisyen an, ak syans ezoterik serye ki gen lakay nou.
Mistè relasyon Dimansyon ak Lwa yo
“Ou pa yon senp imen ou se yon èt espirityèl ak mistik.”
Aksesib aprè 3 mwa fòmasyon endividyèl
Anliy oswa An Pèsòn
Aprann kijan dimansyon fizik ak espirityèl kominike, epi dekouvri wòl Lwa yo ak antite ou yo kòm pwen koneksyon ant de mond sa yo. Fòmasyon mistik sa a ap pèmèt ou idantifye ak konnen Lwa yo, konprann siy ak kominikasyon Antite yo, epi pratike fè mistik ak teknik tradisyonèl vodou otantik espirityèl la.
Ki jan nou anseye?
Anliy oswa an pèsòn Teyori ki tounen pratik, akonpayman pèsonalize, epi zouti pou lavi chak jou.
- Sesyon teyorik + pratik
- Diskisyon entèaktif
- Devwa/egzèsis pou lakay + resous dijital
- Swivi endividyèl pou mezire pwogrè
Avantaj Fòmasyon nan Òd Milokan
Konesans pwofon sou Vodou ayisyen an
Konprann prensip, istwa, ak estrikti mistik Vodou ayisyen an, depi nan rasin li rive nan pratik avanse li yo.
Ouvèti konsyans ak devlopman enteryè
Pèsepsyon ak vizyon ou vin elaji, koneksyon enteryè ou sou plan espirityèl ak emosyonèl ou ranfòse.
Kapasite pou travay ak enèji epi vibrasyon
Aprann santi, dirije, ak balanse fòs vibratwa w pou w geri tèt ou, pou pwoteksyon w ak evolisyon pèsonèl ou.
Voudou otantik jan zansèt yo te mouri kite
Pratik yo respekte rasin Ginen an, prezève rityèl, konesans, ak vibrasyon sakre yo, jan zansèt yo te transmèt eritaj la a.
Temwayaj kèk etidyan
yon Koneksyon Miltidimansyonèl
Louvri Pòt Espirityalite Vodou
YON CHEMEN POU KONN TÈT OU
Depi kounya ou ka Kòmanse Antre nan Mond aprantisaj Konesans lan
Dekouvri ansèyman pwofon sou Vodou Ayisyen an depi kounya, yon seri epizòd podkas ki melanje tradisyon ak konpreyansyon byen klè. Chak epizòd se yon etap pou louvri konsyans ou, ranfòse koneksyon ou ak rasin ou, epi fè ou grandi nan chemen espirityèl vodou a.
Libète Pou
Aprann Jan Ou Vle
Tande nenpòt epizòd nenpòt lè, nan pwòp rit ou. Soti nan baz Vodou Ayisyen an rive nan teknik mistik avanse, podcast sa a ba ou zouti pou w kòmanse transfòme tèt ou.
Aprann Vodou Ayisyen se yon seri podkas Ordre Milokan difize avèk Jean Marc Hyppolite pou tout moun kap chèche konnen ak konpran VODOU AYISYEN an nan kad espirityèl ak Mistik li.
-Epizòd 1 an ap prezante nou kisa Ordre Milokan ye.
-Yon epizòd ap sòti chak SAMDI.
Abòne pou w pa rate okenn epizòd
Aprann Vodou Ayisyen se yon seri podkas Ordre Milokan difize avèk Jean Marc Hyppolite pou tout moun kap chèche konnen ak konpran VODOU AYISYEN an nan kad espirityèl ak Mistik li.
-Epizòd 1 an ap prezante nou kisa Ordre Milokan ye.
-Yon epizòd ap sòti chak SAMDI.
Abòne pou w pa rate okenn epizòd
San Limit Nan
Eksperyans Ou
Pa gen okenn baryè pou konesans. Kit ou se yon debitan oswa yon inisye, ou ka antre nan konesans sakre sa yo epi aplike yo nan lavi ou.